Одлучен и постојан како карпа - Значењето на името Петар

Петар е машко, христијанско име со грчко потекло. Потекнува од грчко име „Петрос“ и значи карпа, камен.

Поради ова се смета за симбол за непристрасност, одлучност и непоколебливост. Името Петар му припаѓа на еден од дванаесетте Христови апостоли. Римокатолиците свети Петар го сметаат за првиот папа и сметаат дека сите останати папи се негови наследници.

Кога Петар слави именден? Првоврховен Апостол Симон Петар се празнува на 12 јули (по нов стил).

Бидејќи Петар е име со силно и длабоко значење, луѓето коишто го носат се одликуваат со цврст и сериозен карактер. Тие се истрајни во своите намери кои најчесто ги водат до сигурен финансиски пат. Немаат проблем да се збогатат, но и да го зачуваат богатството.

Петар е воедно човек што има постојана желба за правда и разбирање, а грубоста и непослушноста сериозно може да го повредат. Има љубопитен ум, кој му го отвора патот во насока на уметноста и науката.

Оние кои го носат ова име се одликуваат со рационалност, но малку се бавни. Тие се родени истражувачи и аналитичари.

Доколку и вие имате Петар кој ве радува во животот, означете го во коментар и посакајте му убав викенд.

(О)Милена | Црнобело