Колегите ве прашуваат дали сте добро, сè ве боли – 6 непогрешливи знаци дека ви е потребен одмор

Секојдневниот стрес доведува до психичко и физичко исцрпување на организмот. Постојат неколку непогрешливи знаци кои јасно укажуваат дека под итно ви е потребен одмор.

Во колку од следните 6 ќе се препознаете?

Колегите ве прашуваат дали сте добро

Другите луѓе околу вас веројатно први ќе забележат уште пред вие да го воочите тоа дека сте под стрес, раздразливи или нервозни. Доколку некои од нив ви се обраќаат со зборовите „изгледаш уморно“ или „дали е сè во ред?“, ова може да бидат јасни знаци дека вам ви е неопходен одмор и мир.

Честопати правите грешки во работата

Хроничниот стрес честопати е причината да се прават грешки на работното место и јасен знак дека мора да го забавите темпото на работа. Поради уморот ја губиме способноста да се фокусираме и не можеме да ѝ се посветиме на работата со целосно внимание.

Сè ве боли

Грбот, вратот, очите, стомакот… кога сме умори и под стрес, телото станува помалку отпорно на болка, па може да се случи да ве болат повеќе работи истовремено, и да се соочувате со почести главоболки од вообичаено.

Имате проблеми со спиењето

Несоницата или зголемената потреба за сон поради замор се исто така сигнали за стрес.

Понекогаш проблемите едноставно толку нè оптоваруваат што не можеме да склопиме око, а понекогаш сме толку безволни што со задоволство би дремеле во текот на целиот ден.

Ниту една од овие две состојби не е нормална, што јасно укажува дека под итно ви треба одмор.

Не може да ја поднесете својата работа

Луѓето кои се под огромен стрес и притисок честопати ја губат перспективата и не можат да ја најдат потребната мотивација за исполнување на задачите.

Тоа не е нешто необично во денешно време кога сме натрупани со обврски. Меѓутоа, доколку чувствувате дека не можете да си ја поднесете повеќе работата, тогаш е вистинско време за одмор.

Имате потреба од самоизолација

Немате волја за дружба со пријателите, ги избегнувате нивните повици и едноставно не сакате да го поминувате времето со другите луѓе.

Сите ние повремено сакаме да поминеме некое време сами со себе, но доколку избегнувате интеракција дури и со најблиските на подолг временски период, значи дека сте „прегорени“ од многубројните обврски.

(О)Милена | Црнобело