„Верба во подобро утре“ – Значењето на имињата Надица и Нада

Надица (и изведенките Нада, Надежда, Надја) се имиња со словенско потекло. Постојат две основни етимолошки хипотези кои се поврзани со потеклото на женското име Надица/Нада. 

Првата е словенската, од зборот нада/надеж што значи – да веруваме, да се надеваме, дека постои верба, дека има надеж, желбата да се постигнат некои цели или соништа.

Другата теорија е дека името Надица/Нада е изведено од арапскиот збор, односно името „Nadiyya“ со значење: благородна, љубезна, дарежлива, добродушна, мила.

По дефиниција, самиот корен на зборот „надеж“ претставува позитивно размислување или верување во позитивен резултат и решение во кое било поле од животот.

Нумеролошката вредност за името Надица е 6. Луѓето коишто го носат ова име најчесто се пронаоѓаат во професијата уметник, музичар и поет. Тие се шармантни и симпатични, но исто така и малку нестабилни. Тие ја сакаат убавината и ги интересираат луѓето и природата.

Нада значи „таа што верува“, „личност која е позитивна“, „онаа што е добра, благородна и дарежлива“, „онаа што не губи сила и волја“, „жена која носи верба во подобро утре“…

Доколку и вие имате ваква Нада или Надица која ви носи светлина, позитивна енергија и надеж во животот, означете ја во коментар и посакајте и убав викенд.

(О)Милена | Црнобело