Ривал, непријател, но и жена која е единствена – Значење на имињата Емилија и Ема

Емилија e женско име инспирирано од латинското „Aemilius“, што според една теорија било презиме на многу угледно римско семејство, а во оригиналното значење на презимето се крие симболиката „натпреварувај се“. Оттука, според латинскиот збор Aemilia, Емилија буквално означува ривал, противник, непријател.

Кога Емилија празнува именден според православниот календар? Света Емилија, мајка на свети Василиј Велики (IV) на 21 мај (по нов стил).

Дел од етимолозите сметаат дека ова име е изведенка од машкото, словенско Емилијан. Емилија е особено често име на балканските простори, односно словенските земји каде што преовладува православната религија.

Другата теорија за потеклото на ова име го разгледува потеклото на името Емилија од Ема, кое пак потекнува од германскиот збор „ermen“; „irman“, или од зборот „ermanischen“ што значи: „целосен, универзален, опфатен“.

Значењето на името Ема, како изведенка од Емилија, според последната теорија, може да се толкува како „жена која е универзална и посебна“ или „онаа што е комплетна како личност“; „зрела и самосвесна“; „единствена целина“; „жена која е единствена“.

Потсвесниот ефект кој Емилија го има врз околината е поврзан со главните карактеристики на нејзината личност: волја, активност, интуиција и сексуалност. Нумеролошки, нејзиниот среќен број е 3, а среќен ден сабота.

Доколку имате Емилија или Ема во вашиот живот означете ги во коментар, посакувајќи им убав, пролетен викенд.

(О)Милена  | Црнобело