Волшебни фотографии направени под вода од финалистите на натпреварот за најдобар подводен фотограф на годината

Натпреварот за најдобар подводен фотограф на годината, Underwater Photographer of the Year, се одржува веќе неколку години, а неодамна беа прогласени и овогодишните победници.

Натпреварот за најдобар подводен фотограф се одржува од 2015-та година и оттогаш прерасна во огромен настан. Уште на првиот натпревар во 2015-та биле пријавени над 2.500 фотографии, од 40 држави ширум светот, а за натпреварот годинава жирито избирало од 4.500 фотографии, од 68 различни држави.

Правилата на натпреварот се едноставни – учесниците треба да испратат фотографија направена под вода или делумно под вода, не постара од 5 години, а притоа да не користат алатки за уредување како Фотошоп. Фотографите се натпреваруваат во 14 различни категории, а неодамна беа објавени победниците за периодот 2020/21.

Главен победник на овогодишното доделување е американскиот фотограф Рене Капозола, со волшебна фотографија од ајкули, направена во Француска Полинезија.

Интересно е што поради рестрикциите во 2020-та и немањето услови за патување, натпреварот е додадена уште една категорија – „Мојот двор“.

„Со оваа категорија сакаме да покажеме дека можат да се направат одлични подводни фотографии, дури и кога фотографите се присилени да останат во близина на нивниот град“, изјави еден од судите во жирито.

Победникот во оваа категорија е британскиот фотограф Марк Киркленд, со фотографија направена во мало езерце во Глазгов.

Сите победнички фотографии, заедно со имињата на фотографите можете да ги погледнете ТУКА.

Дел од најдобрите фотографии пријавени на натпреварот:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело