Времињата и луѓето се менуваат, но семејните традиции нè држат заедно – божиќната реклама на Disney ќе ве потсети што е најважно

Како и секоја година, од Disney направија божиќна реклама која нема да ве остави рамнодушни, а овојпат од филмското студио се обиделе да ни ја покажат важноста на семејните традиции.

Со новата божиќна реклама, од Disney ja нагласуваат важноста на традициите кои ги зближуваат семејствата, особено за време на празниците:

„Додека времињата се менуваат и луѓето растат, драгите семејни традиции создаваат сеќавања кои се помнат со генерации и нè држат заедно, особено во празничниот период“, пишуваат од Disney.

Главните ликови во приказната се Лола и нејзината внука, кои секоја година заедно прават божиќни украси. Нo, како што внуката расте, нејзиниот интерес за оваа активност се намалува, па кога доаѓа време повторно да прават украси, таа ја одбива баба ѝ.

Кога внуката сфаќа колку ѝ е важна оваа традиција на Лола, ѝ приредува изненадување и ја продолжува нивната слатка традиција.

Рекламата трае едвај 3 минути, но успева да ни пренесе навистина важна порака и да нè потсети на најважните нешта во нашите животи.

Спирова С. | Црнобело