Митровден и значењето на името Димитар

Оригиналната форма на името гласи: Δημήτριος. Името Димитар има грчко потекло.

Името е со паганско потекло и означува „посветен на Димитра“, каде Димитра е паганската божица на земјоделието и плодноста, а нејзиното име значи „Мајка Земја“ – од зборовите Δα – земја (на атички дијалект) и Μήτηρ – мајка.

После страдањето и прославувањето на светиот Димитриј Солунски, името е широко прифатено во христијанскиот свет, бидејќи се поврзува со овој маченик.

Димитар и варијациите од ова име (Мите, Митре, Митко, Димитриј, Димко…) прославуваат именден на 8 ноември (по нов стил) на празникот Великомаченик Димитриј Солунски (околу 306) или народски кажано на Митровден.

Според нумерологијата, сите кои ги носат името Димитар се одликуваат со следните карактеристики: добродушни, интересни, модерни, инспиративни, но и таинствени и мошне рационални и приземјени.

Тие се воедно и мошне внимателни и креативни, со изострено чувство за естетика и око за убави работи и детали.

(О)Милена | Црнобело