„Тајната“ за копчето број 5 на далечинскиот управувач

Додека ги притискате копчињата на вашиот далечински управувач, можеби сте забележале дека копчето со број 5 има мала испакнатина (или две) во форма на точки што можат да се почувствуваат. Скоро секој далечински управувач ја има оваа ознака.

Далечинските управувачи се дизајнирани да бидат колку што е можно поедноставни и удобни за ракување.

Производителите мислат и на лицата со оштетен вид, поради што стандардот за производството на далечинскиот управувач е поставување на мала испакнатина во форма на точка или цртичка на копчето со број 5.

Овој додаток го олеснува користењето на далечинскиот управувач, бидејќи служи како тактилно обележје. Односно, може лесно да се утврди каде се другите копчиња на далечинскиот управувач.

Оваа испакнатина се наоѓа на копчето со број 5 и на тастатурата на компјутерот од истата причина.

Нагласениот број 5, исто така, им користи и на луѓето со нормален вид: на овој начин можат да ги користат далечинскиот управувач и тастатурата без да ги гледаат. И, практично е кога гледате телевизија во темница.

Ашера | Црнобело