Вирален хит: Трик со вода и црн пипер за важноста на миењето раце (видео)

Трикот од оваа креативна учителка треба да го искористите и вие! Брзо и едноставно децата ќе сфатат зошто треба да мијат раце редовно.

Периодов постојано слушаме колку е важно редовно и правилно да ги миеме рацете. Но, во екот на корона вирусот дали вашите деца ја сфаќаат важноста на миењето раце?

Со еден забавен трик ќе им го докажете тоа.

Аманда Лоренцо е учителка која работи во градинка во Мајами. Таа сними видео каде во сад со вода има ставено црн пипер за кој на децата им вели дека претставува вирус.

Потоа ги тера децата да брцнат со прст во садот и да видат дали нешто се случува. Пиперот не се помрднува, па дури се лепи на прстот.

Но, откако децата ќе го стават прстот во течен сапун или некое антибактериско средство и ја повторат истата процедура тогаш пиперот, односно „вирусот“, се трга на страна од прстот.

Нејзиното видео стана вирален хит:

С. С. | Црнобело