Правењето селфи - навика што создава нарциси, докажано

Не толку одамна, фотографијата била вистински настан, се викал официјален фотограф, и се славеле само специјални животни настани, за кои луѓето долго време се подготвувале. Тогаш камерите станале достапни за сите. 

Со нетрпение чекавме да се развие филмот за да видиме како испаднавме на фотографиите, а потоа се случи вистинска револуција - во нашите животи влегоа памeтни телефони.

Паметните телефони донесоа селфија, а со нив започна ерата на нарцисоидните луѓе. Денес фотографирањето ни стана природно, речиси како и дишењето, додека селфијата стануваат чести како говор, начин да се изразиме.

Но што велат психолозите за ова? Истражувањето објавено во списанието „Computers in Human Behavior“ откри поврзаност помеѓу селфија и нарцизмот, психолошкото нарушување во кое човекот се перципира себеси како премногу важен.

Нарцисоидните личности имаат проблеми во меѓучовечките односи, а главната причина за ова е недостаток на емпатија кон другите.

За целите на истражувањето, научниците ги набљудувале активностите на социјалните мрежи на 470 американски и 260 либански студенти, во обид да дознаат колку често луѓето објавуваат селфија на Инстаграм и Фејсбук.

Резултатите покажале поврзаност со грандиозниот (отворен) нарцизам, кој содржи елементи на екстраверзија, низок невротизам и отворена супериорност.

Грандиозните нарциси сметаат дека заслужуваат посебно внимание, посебен третман и веруваат дека се над сите, што е најочигледно во односот со партнерот, како и на работното место, односно, комуникацијата со колегите.

Ашера | Црнобело