Во кој ден од неделата луѓето се најмногу вознемирени?

Ако ви се случи во недела да размислувате опсесивно за понеделник и за новата работна недела, не сте единствените. Појава на вознемиреност во ова време е многу честа и широко распространета. 

Едно ново американско истражување, кое опфати повеќе од 2.000 испитаници откри дека 88% од луѓето редовно доживуваат вознемиреност во недела.

Ова се случува најчесто во 15:58 часот, кога мислите на новата работна недела. Исто така, беше откриено дека повеќето луѓе не можат целосно да се исклучат од работа за време на викендите.

Во просек луѓето работат околу 3 часа во сабота и недела. Ова вклучува проверка на е-пошта (45%), прегледување презентации (38%) и службени повици (31%).

На прашањето како се справуваат со вознемиреност во текот на викендот, скоро половина од анкетираните луѓе рекле дека се обидуваат да пронајдат барем четири часа време за себе, што општо вклучува гледање омилена серија, читање книга или релаксирање во када.

Другите го користат крајот на работниот ден во петок за целосно да се подготват за наредната недела, за да не се оптоваруваат со работа во текот на викендот.

Психолозите препорачуваат да посветите квалитетно време на самите себе во текот на неделата, за да ја олесните вознемиреноста за време на викенди.

Можете да одите на час по јога или да поминете квалитетна вечер со партнерот. Друга препорака е да ги запишете сите обврски во петок, што ве чекаат следната недела, за да имате слободно време за себе во текот на викендот.

Ашера | Црнобело