Кафените јајца се поздрави, јадењето навечер дебелее - митови за исхраната

Морковите позитивно влијаат врз видот, витаминот Ц помага при настинка, овошјето не е здраво доколку се јаде после 3 часот попладне - ова се само дел од митовите за исхраната во кои сите веруваме.

Многу често помеѓу некој мит и вистината може да „лежи“ само една тенка линија која ги прави сите „збрки“.

Многу луѓе веруваат дека јадењето доцна навечер доведува до зголемен број на килограми, кога она што навистина е важно е бројот на калории што го внесуваме во текот на денот, а не кога ги внесуваме.

Во продолжение прочитајте кои се митовите за исхраната во кои сите веруваме:

Морковите ви помагаат да гледате подобро во темница.

Точно е дека морковите содржат голема количина на витамин А кој навистина е важен за очите и видот, но тоа не значи дека нивната консумација ќе ви помогне да гледате подобро во темница.

Јадењето доцна навечер предизвикува дебелеење.

Советот на нутриционистите да не се прејадувате после 8 навечер е совет за оние кои сакат да ја намалат својата килажа, а за оние останатите е само мит.

Вистина е всушност дека не е важно кога ги внесувате калориите, туку она што навистина е важно е колку калории севкупно внесувате во текот на денот.

Кафените јајца се поздрави.

Многу луѓе веруваат дека кафените јајца се поздрави од белите, но тоа не е вистина.

Бојата на јајцето зависи пред сè од видот на кокошката што го снесува. Некои раси на кокошки положуваат бели, а некои кафени јајца. И двете се подеднакво здрави.

Потребни се седум години за желудникот да свари гума за џвакање.

Вашиот стомак не ја вари гумата за џвакање на ист начин како и останатата храна, но сепак таа не се задржува во нашиот организам седум години.

Витаминот Ц помага при настинка.

Многу истражувања имаат докажано дека витаминот Ц нема никаква поврзаност со настинките и нивното лекување.

Вистината во овој мит е фактот што витаминот Ц помага при одржување на состојбата на нашиот имунитет, но не помага при болести и настинки.

Зготвените зеленчуци имаат помала нутритивна вредност од свежите.

Вистина е дека готвењето уништува некои витамини кои се „чувствителни“ на топлина, како на пример витаминот Ц, но, ова не е вистина и за сите останати витамини кои се наоѓаат во зеленчукот.

Во многу случаи здравите придобивки на зеленчукот се добиваат токму преку готвење.

Овошјето не треба да се јаде после 3 напладне.

Ова е само мит за кој не треба да се приврзуваме. Овошјето е здраво и носи здрави бенефиции во секое време од денот.

Т. Ѓ. | Црнобело