Зошто Petit Beurre бисквитите имаат дупчиња и запци?

Толку сме навикнати на Petit Beurre бисквитите, што на прв поглед нема ништо необично во нивниот дизајн.

Сепак, ако повнимателно ги проучите, ќе сфатите дека кријат неколку интересни бројки и секоја си има одредено значење.

Во 1886-та е произведен првиот Petit Beurre бисквит кој и понатаму се прави по истиот рецепт.

Перфекционистот со добар осет за маркетинг, Луис Лефев-Утиле, чија идеја биле вкусните бисквити, калапот го донел од Англија.

Кога ќе го погледнете бисквитот ќе забележите агли, запци и дупчиња, но никогаш не би ви текнало да ги преброите.

Нивното значење е тесно поврзано со времето.

Четирите агли, колку што има бисквитот, ги симболизира четирите годишни времиња.

Бисквитот има 52 запци, кои ги претставуваат 52-те седмици во годината, додека бројот на дупчиња на секој кекс изнесува 24 – колку што има часови во еден ден.

М. Д. | Црнобело