Народни верувања: Какви баксузи носи престапната година?

За престапната година се врзуваат само лоши верувања, а оваа 2020-та е токму таква – има 366 дена.

По народните верувања, секоја престапна година сама по себе е баксузна, па не би требало да почнувате сериозни обврски, а исто така не се препорачува и стапување во брак.

Ако сепак се одлучите да стапнете на „лудиот камен,“ тогаш добро би било жената да го запроси мажот. Само на тој начин, според британската традиција, може да го разбиете баксузот.

Порано се сметало и дека најопасните клетви се прават во престапна година, па се препорачувало да бидете внимателни со разни амајлии и ритуали.

Исто така, не смеело да има куќа без календар и да стои листот од минатиот месец. Кога февруари ќе завршел – листот веднаш се палел додека не се претвори во пепел.

Некои верувале дека престапните години не се поволни за садење плодови и земјоделие. Секако, науката нема потврдено никаква поврзаност, но тоа не ги спречува луѓето да веруваат во баксузот.

М. Д. | Црнобело