Зошто зелената и црвената боја се симбол за Божиќ?

Веќе започна новогодишното украсување, а боите кои доминираат се црвената и зелената.

Но дали некогаш сте се запрашале зошто токму овие бои се синоним за Божиќ?

Зелена

Имелата и зимзелените гранчиња со години се користат како божиќни декорации.

Зимата е период на темно, студено и тмурно време, а токму поради ова се користат зимзелени билки за декорација. Односно, тие се потсетник дека зимата нема да трае вечно.

Црвена

Црвената боја ја претставува исусовата крв и неговата жртва за нашите гревови.

За христијаните, црвената боја е едноставен, но посебен потсетник за делата на нивниот спасител.

Други бои кои често се користат во новогодишните и божиќните декорации се златната, белата и сината, а и тие имаат своја симболика.

Златната боја ја симболизира ѕвездата што ја следеле тројцата кралеви, кои го посетиле Исус по неговото раѓање. Покрај тоа, еден од кралевите му подарил злато на малиот Исус.

Белата боја е симбол за мир и чистота, додека сината ја симболизира исусовата мајка, Дева Марија. Понекогаш, белата боја е симбол и за небо и рај.

Спирова С. | Црнобело