Најинтересните работи што можете да ги видите на Google Maps (втор дел)

Во 2005-та година Google го пушти во употреба сервисот за мапирање Google Maps.

Благодарение на ова, денес секој што има пристап до интернет може да „патува“ низ светот, од удобноста на својот дом. Исто така, со помош на Google Maps, интернет корисниците откриваат бројни интересни работи кои се забележуваат само од птичја перспектива.

Досега имавте можност да видите дел од необичните пронајдоци на Google Maps, a во продолжение погледнете ги останатите:

Свеќник на Андите

Во близина на градот Писко во Перу се наоѓа огромен цртеж од свеќник, кој локалните жители го нарекуваат Las Tres Cruces (три крста). Геоглифот е направен на мал рид покрај брегот, а ѕидовите на браздите се наредени со камења.

Димензиите на сликата се 128×74 метри, а научниците до денес не знаат кој е авторот на ова дело. Се верува дека геоглифот е стар најмалку 2.200 години.

Шумска гитара

Аргентинскиот фармер Педро Мартин Урета поминал години садејќи шума во чест на неговата сопруга.

Сопругата на Педро отсекогаш сонувала да направи шума со необична форма, но умрела ненадејно од мозочен удар. Педро решил да ѝ ја исполни желбата, па посадил над 7.000 дрва кои ако се погледнат од горе, имаат форма на гитара.

Должината на оваа необична шума е неверојатни 1.100 метри.

Кратер во Аризона

Овој кратер настанал пред околу 50.000 години, откако метеорит со дијаметар од 50 метри удрил во Земјата.

Се претпоставува дека метеоритот тежел 300.000 тони, а се движел со брзина од 45-60 километри на час.

Овој кратер е единствениот кој си ја задржал оригиналната форма. Кратерот има дијаметар од 1.219 метри, длабочина од 229 метри, а неговите рабови се издигаат 46 метри над земјата.

Џинот од Јужна Австралија

Во Јужна Австралија се наоѓа модерен геоглиф за кој не е познато како настанал.

Се верува дека ова е најголемиот геоглиф на Земјата и има должина од 2,7 километри.

Геоглифот бил случајно откриен од пилотот Трак Смит во 1998-ма година. Поради ерозијата, видливоста на геоглифот се намалува, но ќе помине долго пред целосно да исчезне.

Нафтени плантажи во Аргентина

Во Аргентина, се произведува нафта и гас во провинциите Неуквен, Рио Негро, Мендоза, Санта Круз…

На овие фотографии се прикажани нафтените плантажи во Рио Негро.

Продолжува на следната страница...