Ед Геин - вистинската приказна зад масакрот со моторната пила во Тексас

Во 1974 година, режисерот Тобе Хупер создал вистинска револуција во филмската хорор индустрија со неговиот филм инспириран од вистинска приказна - „Тексашки масакр со моторна пила“. 

Речиси веднаш по објавувањето на филмот, почнале да кружат гласини дека постоел вистински лудак што живеел со своето семејство во градот Пот, Тексас. Едно нешто е вистина – навистина постоел човек што носел маска од кожа и убивал луѓе, а се викал Ед Геин.

Можеби немал моторна пила, но серискиот убиец Ед Геин бил клучна инспирација за неславниот Leatherface. Роден во 1906 година во Плејнфилд, Висконсин, Ед бил син на алкохоличар и фанатично религиозна мајка.

Често трпел тешка психолошка и физичка злоупотреба од рацете на неговите родители. Една од неговите најнеобични навики била наеднаш да почне да се смее гласно, како некој да кажал шега што само тој ја слушнал.

Кога починале неговите родители времето го поминувал во читање за женската анатомија, со која наскоро се опседнал, а исто така се воодушевувал со нацистичките експерименти што ги спроведувале врз луѓето.

Наскоро започнал да ги ограбува гробовите на жените кои го потсетувале на неговата мајка. Го земал телото, ја кинел кожата и од неа правел костум во кој се облекувал, преправајќи се дека е мајка му.

Во декември 1957 година било пријавено исчезнување на Бернис Воден од нејзината продавница во Плајнфилд. Крвавата трага водела кон задната врата. Нејзиниот син се сомневал во Геин, па тој наскоро бил приведен во притвор.

Кога полицајците дошле во неговата куќа првото нешто што го виделе било обезглавеното тело на Бернис Воден, од кое Геин ги отстранил внатрешните органи.

Но Геин е секако најпознат по облеката направена од човечка кожа. Додека одел на училиште го малтретирале заради неговото „женско“ однесување, а смртта на неговата мајка ги разбудила неговите долго скриени преференци.

Во куќата биле пронајдени маски (или лица на жени што ги убил или ископал, заедно со трепките, косата…), како и голем број други парчиња „облека“ од човечка кожа – од фустани и корсети до чорапи, престилки и нараквици.

Во неговата колекција, значајна улога играл елекот, заедно со градите, што го облекувал за да личи на жена. Психолозите сметаат дека така се обидел да ја воскресне својата мајка...

Геин бил инспирацијата за главниот лик на романот Психо (објавен една година откако бил фатен), а неговиот канибализам бил инспирација за Гамбо (од филмот „Кога јагнињата ќе стивнат“).

Ашера | Црнобело