8 токсични навики кои секојдневно ви ја крадат среќата

Мислите дека можете да читате мисли

Никогаш не можете да знаете што точно мислат другите. Сепак, сигурно барем еднаш во денот помислувате дека некој смета дека сте глупави, здодевни и слично.

Доколку често се наоѓате во ваква ситуација, пробајте да верувате дека другите имаат само добро мислење за вас.

Оваа перспектива ќе ви ја зголеми самодовербата и ќе бидете поотворени за комуникација.

Се фокусирате на туѓиот успех

Денес изгледа речиси невозможно да не се споредувате со некого. Благодарение на социјалните мрежи, сите посакуваме да имаме туѓ живот, туѓа облека, туѓ дом…

Но, на овие платформи, луѓето ги покажуваат само работите што сакаат да ги видиме. Никогаш не знаете дали нечиј живот навистина е таков како на социјалните мрежи.

Покрај тоа, кога премногу се фокусирате на туѓиот успех, се запоставувате себеси.

За да го решите овој проблем, обидете се секој ден да запишете барем неколку работи што сте ги направиле и за коишто се гордеете. Ова ќе ви помогне да сфатите колку сте вредни и да продолжите да се движите напред.

Се потпирате на туѓото мислење

Колку често се обидувате да го оставите „правилниот“ впечаток кај некој? А, колку пати ова ве направило среќни? Речиси никогаш.

Понекогаш сите ние сакаме да импресионираме луѓе што не ни се ни допаѓаат или да им докажеме нешто на оние за кои не се ни грижиме.

Проблемот е што мислењето на овие луѓе има големо влијание врз вас, без разлика што воопшто не ви значат.

Па наместо да се обидувате да им угодите на сите, бидете свои. Кога правите нешто, запрашајте се дали го правите за вас, или само за признанието од некој друг.

Им дозволувате на минатото и иднината да влијаат врз сегашноста

Не секогаш размислувањето за минатото или иднината ќе ве направи несреќни, но обидете се да не „заглавите“ таму.

Ако постојано мислите на нешто од минатото, најверојатно постои некој нерешен проблем. Ако, пак, се фокусирате само на иднината, тогаш можно е да имате проблем со анксиозност.

Многу истражувања покажале дека луѓето кои се фокусираат на сегашноста, се всушност најсреќни. Иако можеби е тешко веднаш да почнете „да живеете“ во сегашноста, постојат неколку трикови за ова:

- Фокусирајте се на слушањето. Забележете го секој звук – близок, далечен, гласен, тивок…

- Потоа почнете да ги истражувате миризбите. Забележете ги мирисите што се постојано присутни, како и оние што се појавуваат и исчезнуваат.

- Можете и едноставно да гледате во облаците. Обидете се да забележите што е можно повеќе детали и обидете се да ги споредите со нешто.

Спирова С. | Црнобело