Која навика го направила Бетовен генијалец?

Знаевте ли дека шетањето може да ја подобри вашата креативност и да ви помогне во напредокот? Изгледа дека Бетовен, но и многу други генијалци, биле запознаени со овој факт.

После ручек, Бетовен имал навика да оди на прошетка во шума. Со себе секогаш носел и неколку листови хартија за да ги запишува своите идеи.

Слична навика имале и неговите колеги, како Густав Малер и Бенџамин Бритн.

Придобивките од шетањето ги докажале и научниците од Стенфорд.

Пешачењето е едноставен и сигурен начин да го подобрите вашето здравје. Ако пешачите редовно, организмот ќе функционира подобро, ќе се релаксирате, а навечер ќе спиете многу подобро.

Според експертите, за време на пешачење, во организмот се ослободуваат ендорфин - хормон кои го подобрува расположението.

Друго истражување покажало дека шетањето не го подобрува само здравјето, туку ја поттикнува и креативноста. Причината е што додека пешачите, се чувствувате посмирено, а вашиот фокус е подобар.

Американските истражувачи, пак, откриле дека шетањето три пати неделно има позитивно влијание врз хипокампусот. Ова е важен дел од мозокот кој е одговорен за краткотрајната и долготрајната меморија, како и за анализирање на добиените информации.

Истражувањата спроведени врз постари луѓе покажале дека пешачењето може да го забави, или целосно да го спречи појавувањето на деменција.

Бидејќи е познато дека зелената боја го намалува нивото на стрес, шетањето во природа и зеленило го има истиот ефект.

Па, доколку сте „заглавиле“ со некој проблем или чувствувате дека ви е потребен краток одмор, уште сега излезете на прошетка.

Спирова С. | Црнобело