Секојдневни навики на кои не им придаваме важност, а всушност откриваат ниска самодоверба

Иако мислите дека некои секојдневни навики и однесувања се незначајни и незабележителни, сепак некои од нив откриваат многу за вас.

Па така, луѓето со ниска самодоверба имаат одредени типови на навики и однесување со кое незабележително ја откриваат оваа маана.

Во продолжение – знаци кои ја откриваат ниската самодоверба преку секојдневното однесување:

Бирање на последниот ред

Луѓето кои имаат ниска самодоверба, кога одат на јавни места, како концерти, предавања, јавни настани и слчно, бираат да седат во последните редови, бидејќи мне сакаат да се истакнуваат.

Купување многу евтини работи

Недостатокот на грижа и чувството на осаменост ги тера луѓето со ниска самодоверба да се исполнат со нешто моментално, а еден начин е шопингот и купувањето на евтини работи.

Не излегување од дома несредени

На работа, на гости кај блиски луѓе, во театар или на забава – луѓето со ниска самодоверба поминуваат многу време бирајќи го аутфитот и подготвувајќи се за секоја пригода, па дури и за фрлање ѓубре, бидејќи се плашат да се покажат во вистинско светло.

Негативни фрази

Луѓето со ниска самодоверба не веруваат дека можат да направат нешто од што се добри, па доколку успеат во нешто знаат да користат фрази како „ете, ми се погоди среќата“, а често може да слушнете како велат „не можам/тешко/можеби“.

Скролање на телефон во јавност

Луѓето со ниска самодоверба се чувствуваат инфериорно кога во јавност ќе останат сами, па наместо да се социјализираат, се држат до телефонот и проверуваат социјални мрежи, бидејќи мислат дека ако не прават нешто такво, ќе изгледаат глупаво ако само гледаат наоколу и чекаат да им дојде друштвото.

Неодлучност за нарачка во ресторан

Луѓето со ниска самодоверба постојано го менуваат мислењето дури и за работи обични како нарачување храна. Тие може неколку пати да се премислат што да јадат и на крај повторно да не се сигурни во изборот.

М. М. | Црнобело