Цените растат, платите се исти и уште 7 работи зошто не можете да заштедите

Не можете да заштедите ништо? Тогаш верувајте дека не сте сами. Штедењето може да биде тешко и понекогаш да ви изгледа невозможно, но тоа не значи дека не можете да направите некои промени.

Најважното е да откриете што е она што не ви дозволува да тргнете пари настрана, а во продолжение погледнете некои од најчестите пречки.

Трошењето е прелесно

Денес трошењето пари е полесно од кога било. Од шетање низ продавници со кредитна картичка, до онлајн купување, постојано сте во искушение да потрошите некој денар.

Најдоброто решение за ова е да плаќате само со кеш. Извадете само толку пари колку што ви се потребни денес, а картичките оставете ги дома.

Не ги следите вашите трошоци

Доколку сте претплатени на некои сајтови, како на пример Netflix, а не ги употребувате, тогаш тие пари одат залудно. Можеби сте зачленети и во теретана што не ја посетувате, но сепак плаќате месечна членарина.

Во овој случај, добро размислете на што сè ги давате вашите пари и веднаш ослободете се од непотребните трошоци.

Охрабрени сте да трошите

Денес како на сите им е всадено дека ако ги чуваат парите, не живеат во моментот. Многу е лесно да се убедите дека сте заслужиле да си купите нешто, па трошите пари на работи што воопшто не ви се потребни.

Важно е да развиете дисциплина во врска со трошењето. Пред да купите нешто, размислете барем 24 часа дали навистина ви е потребно.

Долгови од кредитни картички

Кредитите можат вистински да ве заглават. Доколку имате неисплатен кредит, гледајте да го исчистите што е можно побрзо. Воздржете се од трошење на други нешта што не се неопходни.

Кога ќе се ослободите од овие долгови, немојте да запаѓате во нови. Вадете кредит само кога навистина има потреба од тоа.

Денешните трошоци се поголеми

Факт дека цената на неопходните продукти постојно расте, додека платите остануваат горе-долу исти. Доколку сакате да заштедите, барајте попусти и поевтини понуди во супермаркетите. Истражете и направете план да ги намалите неопходните трошоци.

Домувањето е скапо

Не само храната, туку и домувањето станува поскапо. Не мора веднаш да се селите од домот на родителите доколку не сте финансиски подготвени за тоа. Ако сакате да купите ваш дом, важно е да размислувате пореалистично и можеби да го одложите тоа за во иднина.

Мислењето дека одредувањето буџет и штедењето е тешко

Штедењето не мора да биде тешко. На почетокот од месецот одредете колкав буџет ви е потребен за храна и сметки, а другите пари тргнете ги настрана. Дури и најмалата заштеда е сепак некаква заштеда.

Не ги инвестирате заштедените пари

Многу луѓе грешат што ја чуваат големата заштеда наместо да ја инвестираат во нешто. Доколку имате повеќе пари, размислете како можете да ги инвестирате за подоцна да имате добивка.

Спирова С. | Црнобело