Како 6-годишно девојче си купи стан од 7 милиони евра?

Преку 30 милиони луѓе го следат секојдневието на ова девојче од Јужна Кореја кое месечно заработува 2.7 милиони евра.

Борам (6) од Јужна Кореја е Јутуб сензација. Таа е хит во светските медиуми откако осамна информацијата дека од парите што ги заработила со семејството купила луксузен стан од 7 милиони евра.

Интернет сензацијата заработува 2.7 милиони евра месечно од нејзините Јутуб канали Boram Tube Vlog со 17.5 милиони претплатници и Boram Tube ToyReview со 13.6 милиони.

Двата канали се наменети за деца и на едниот Борам го прикажува своето секојдневие, а на другиот прегледува играчки. Таа работите ги прави на сладок и забавен начин и така привлекува гледачи.

Сепак, за некои нејзини видеа имаше дебати. Тема на дискусија беа видеата каде таа краде пари од паричникот на нејзините родители, вози автомобил и се преправа дека се породува.

Нејзините родители во 2017 дури завршија на суд со обвинување дека поради финансиска корист го ставаат детето во опасна ситуација и таа снимка потоа има негативно влијание и врз другите деца. Судот им нареди да одат на советување наменето да се спречи злоупотреба на деца.

Дел од видеата на Борам:

https://www.youtube.com/watch?v=Ran55MRteTQ

https://www.youtube.com/watch?v=5m0dG6N4EW0&feature=player_embedded

С. С. | Црнобело