Делотворните моќи на аметистот и како да ги искористите?

Се зборува дека кога носите аметист, се чувствувате исто како да сте биле на релаксација во СПА центар.

Овој кристал не само што е прекрасен и привлечен за око, тој е многу делотворен за вашето општо здравје - аметистот носи мир, го отвора вашиот ум и ослободува од стрес и грижи.

Веројатно сте го забележале во убави парчиња накит, па еве зошто и треба да го носите.

Овозможува мирен сон

Ако редовно страдате од немирен сон или ви е тешко да заспиете, ставете парче аметист на вашата ноќна масичка или под перницата.

Ја зајакнува интуицијата и ја подобрува комуникацијата

Поради својата пурпурна боја аметистот е поврзан со шестата чакра, која се наоѓа веднаш над центарот на вашите веѓи. Аметистот се поврзува со овој енергетски центар за да ја зајакне интуицијата, како и да го расчисти својот ум на негативни или токсични мисли.

Се верува дека аметистот ја подобрува способноста за решавање проблеми, и го балансира умот поради поврзаноста со третото око. Притоа, овој кристал ќе ви помогне подобро да разберете одредени ситуации во вашиот живот без вообичаената вознемиреност.

Создава чувство на опуштеност

Аметистот има прекар - се нарекува „интуитивно око". Бидејќи аметистот комуницира со третото око, овозможува релаксираност и спокојство тогаш кога ви е најпотребно. Токму затоа се препорачува да чувате аметист во простории каде сакате да создадете општа атмосфера на хармонија и релаксација.

Рефлективна медитација

Аметистот е кристал погоден за медитација. Тој може да ви помогне интуитивно да ги најдете одговорите што ги барате, да ја разберете мотивацијата зад сопствените однесувања и активности и да ви помогне подобро да ги разберете луѓето околу вас.

Како максимално да ги искористите моќите на аметистот?

Чувајте парче аметист на вашето работно биро

Аметистот релаксира, помага јасно да ги погледнете работите и одлично манифестира опуштена атмосфера - сето ова го прави одличен декор на работното место.  

Носете накит со аметист

Накитот што содржи аметист е најдобар начин да се поврзете со вашата интуиција и да најдете внатрешен мир.

Ставете го на третото око

Без разлика дали сте во потрага по мир и тишина, сакате да ја зајакнете интуицијата или ви треба смирувачка енергија пред спиење, поставете го каменот на третото око за да се поврзете со аметистот и да го добиете тоа што го барате.

А. Ш. | Црнобело