Кое е значењето на мандалатa?

Мандалите се мистични и привлечни, но дали го знаете нивното значење? Дали знаете дека може да ви помогнат да се поврзете со себе.

Се работи за универзален симбол, кој е познат по своите најразлични форми. Го има и во палеолитските гравури, но и во тибетанскиот будизам.

Мандалата во основа претставува целина, единство и баланс. Тие се симбол на психолошката рамнотежа, вселенскиот баланс, а може да се сретнат и во религиски обреди.

На Тибет, на пример, тие се помагало за медитација, кај келтите се симбол на телото, умот и духот, а Карл Густав Јунг ги цртал кога сакал да ја протолкува својата моментална состојба на душата.

Дали може да ја цртате и вие?

Во денешно време мандалите се популарен метод за ослободување и смирување на умот. Доколку сте креативни, прецизни и уметнички надарени, можете да ги создавате и самите, пренесувајќи ги во нив сите нешта кои ви се измешани во главата и духот.

Но, доколку не умеете, можете да ги испечатите готовите шаблони и да почнете да боите, без да следите никакви упатства.

Се верува дека мандалата носи посебна вибрациска енергија која го подобрува менталното, емоционалното, физичкото и духовното здравје. Исто така, може да помогне и да се чувствувате убаво, смирено и стабилно и да ги ослободите креативноста и разбирањето за светот.

Обидете се да ја внесете мандалата во својот секојдневен ритуал за поврзување со себе. Ништо не губите ако се обидете.

Е. Д. | Црнобело