Најчудните последни желби на славните - останки замотани во џоинт, забава наместо тажно бдеење

Александар Меквин

Генијалниот дизајнер го оставил најголемиот дел од своето богатство во добротворни цели, одделувајќи дополнителни 75.000 долари за своите кучиња.

Фред Баур

Основачот на компанијата за чипс „Pringles“ одбил да биде закопан во ковчег. Наместо тоа, неговата последна желба била да го кремираат, а остатоците да ги стават во кутија од познатиот чипс.

Тупак Шакур

Последната желба раперот ја вметнал во неговата песна „Black Jesus“. Имено, легендарниот рапер посакал неговите пријатели да ги испушат останките на Тупак, односно правта од телото по кремирањето во џоинт. Неколкумина од неговите најдобри пријатели ја испочитувале желбата.

Џереми Бентам

Сигурно не сте слушнале за овој британски адвокат, но неговиот тестамент е еден од најчудните.

Тој побарал неговото тело да биде зачувано, наполнето со сено и поставено за изложба на Универзитетскиот колеџ во Лондон. Верувале или не, телото е сè уште изложено на Универзитетот.

Бенџамин Френклин

Во својот тестамент, Френклин побарал од неговата ќерка Сара да не се впушта во „скапата, суетна и беспотребна навика на носење накит“. Причината зошто побарал таа да не носи накит е фактот што ѝ оставил портрет во наследство, чија рамка содржела 408 дијаманти и не сакал таа да ги извади.

Доволно е да додадеме дека неговата желба не била испочитувана.

(О)Милена | Црнобело