Момче си направи своја верзија на чеканот на Тор – и само тој може да го крене

Ален Пан е млад изумител којшто направи своја реплика на чеканот на Тор. 

Тој со помош на модерната технологија и својата снаодливост направи чекан којшто може само тој да го подигне од земјата, исто како Тор. Или да бидеме попрецизни, може само тој да го подигне од метална подлога на која стои чеканот.

Ален сфатил дека за да може чеканот да „одбере“ на кого ќе му дозволи да го подигне, мора да има некој начин да препознае кој го подига, односно кој ја фаќа рачката. 

Затоа рачката од чеканот ја поврзал со сензор за допир, којшто активира голем електромагнет изваден од микробранова печка, којшто се напојува со помош на 4 батерии од по 12 волти. Така, кога ќе се допре рачката се активира магнетот и истиот се лепи за металната подлога и станува невозможно да се подигне.

Но, како Ален направи само тој да може да го подигне чеканот? Лесно, во рачката вметна скенер за отпечаток на прст, каков што има скоро секој модерен мобилен и тој скенер го намести да го чита само неговиот отпечаток.

Митот за магичниот чекан на Тор, наеднаш стана реалност, со помош на технологијата. 

Погледнете го изумот на Ален:

(О)Милена | Црнобело