Стравот од висина значи дека сакаш да стоиш цврсто на земја – што симболизираат останатите стравови од мрак, крв, пајаци, кловнови?

Стравот од јавен настап значи дека сте перфекционист

Најголемиот дел од луѓето кои се соочуваат со овој страв имаат ниско ниво на самодоверба, очекуваат совршенство во сè што прават, постојано бараат потврдување од другите луѓе околу нив и секогаш го очекуваат најлошото.

Стравот од неуспех кој е поврзан со јавниот настап е моментот кога стравот преовладува низ целото тело и се манифестира со вкочанетост и трпки во екстремитетите, а мозокот се облева со еден вид на магла. Ова се случува поради стравот поврзан со тоа што ќе кажат другите за вас.

Во секојдневниот живот овој страв ја поттикнува желбата да поминувате што е можно повеќе време сами, но не и во осаменост. Секогаш на прво место ќе ја ставате квалитетната дружба со една личност, отколку дружбата во големо друштво.

Стравот од мрак значи дека сте креативни

Од когнитивен аспект, стравот од мрак се поврзува со непознатото. Овој страв не е целосно ирационален – научниците сметаат дека генетски го носиме овој страв во себе од времето кога нашите предци живееле на отворено и демнела опасноста од разни животински предатори.

Мракот ја намалува видливоста, што пак ја намалува човековата способност да ја перципира, разбере и контролира околината, што нè прави ранливи. Менталните стравови кои се трупаат во нашиот мозок во текот на денот, излегуваат на површина во текот на ноќта.

Мозокот автоматски ги извлекува овие мисли и пренесува ментални слики од најлошите стравови кои може да нè нападнат во мракот.

Стравот од бактерии е ориентиран кон детали

Овој вид на страв е најчесто поттикнат од некое трауматично искуство, како на пример константниот страв од болест. Стравот од бактерии создава магичен круг во кој човекот е постојано загрижен за своето здравје, а колку подолго трае, толку повеќе тој смета дека секојдневните, нормални ситуации претставуваат потенцијална закана по животот.

Кога си во тој маѓепсан круг сакаш да си постојано чист, па најголемиот дел од луѓето очајно се обидуваат да ги држат работите блескави и беспрекорно хигиенски.

Ваквата ситуација ја зголемува анксиозноста, а големиот стрес влијае негативно врз човековото здравје. Стравот од бактерии е исклучително сериозен, бидејќи во обидот да се уништат сите, на крајот се уништува само сопствениот живот.

Страв од голема толпа луѓе значи дека ви е особено важен личниот простор

Агорафобијата е збир на стравови поврзани со јавни места, отворен простор и голема толпа на луѓе. Луѓето кои страдаат од овој синдром, всушност сакаат да имаат контрола врз својот личен простор.

Овој страв ги тера да бидат претпазливи и внимателни. Во ситуации кога имаат избор да се борат за себе или да побегнат, бидете сигурно дека ќе побегнат.

Луѓето со агорафобија сакаат да се дистанцираат од другите со определен назначен простор меѓу соговорникот и нив. Стравот најчесто се префрла и на емоциите, резултирајќи со оддалечување од другите луѓе и губење на можноста да се воспостави емоционална, пријателска или пак љубовна врска.

Стравот од висина означува дека во животот ви е потребна стабилност

Сакате да стоите цврсто на земјата – стабилно, насочени во вистинскиот правец. Другите луѓе сметаат дека имате јасна слика за своите цели, кои сте, што сте и како сакате да ви се одвива животот.

Стравот од висина предизвикува неудобност бидејќи означува дека не можете да се ориентирате во просторот и времето.

Овие луѓе се многу интелигентни, чувствителни и имаат страв од губење на контролата. Фобијата од висина ја манифестира нивната несигурност поврзана со губењето на контролата врз битните работи во животот.

(О)Милена | Црнобело