Неможноста да заспиете во туѓ кревет е сериозна појава и има и научно име

Доколку успевате да заспиете каде било, во кој било кревет, тогаш вие сте едни од ретките кои не страдаат од „ефектот на првата ноќ“.

Сепак, поголема е веројатноста дека сте од оние кои и по долго и напорно патување не успеваат да се одморат бидејќи се во друга соба и лежат во друг кревет. Ова е особено изразено кај луѓето кои цел живот го поминале во истиот дом, во истата соба и во исто или слично опкружување. На оние кои често патуваат и се селеле повеќепати, прилагодувањето им е многу полесно.

Една од причините зошто тоа се случува е затоа што во непозната средина, нашите мозок и тело детектираат потенцијална опасност од непознатото. Со други зборови кажано, мозокот се става во „ноќна смена“ и останува делумно буден за да може да го стимулира телото да се разбуди и да реагира при опасност.

Она што дополнително го попречува мирното спиење се и непознатите звуци кои доаѓаат однадвор или од другите соби во хотелот или сместувачкиот капацитет. Во такви ситуации, мозокот се обидува да го детектира потеклото на звукот.

Најлесното решение би било повеќе да патувате и да се навикнувате на различни места, но доколку не сте во можност за тоа, почнете со преспивање кај роднини и пријатели. Користете пригушувачи за звук во ушите за да можете полесно да ги игнорирате звуците кои ви пречат.

Е. Д. | Црнобело