9 работи кои соседите ги знаат за вас, иако не сте свесни

Сигурно и вие имате некој дежурен сосед, кој постојано е во тек со сите случувања во зградата или соседството и ништо не може да му „избега“.

Таквите соседи знаат кој има дечко/девојка, кога излегува и кога се враќа, со кого и со што, кога одите на одмор, кога имате проблеми дома и буквално личи како да ви имаат поставено камера.

Па така, некогаш без да бидете свесни, тие може да знаат многу информации за вас, кои можеби не се опасни, но сепак, приватни.

Добро би било да знаете што соседите знаат потајно за вас:

Кога сте на одмор благодарение на полното сандаче (или ве уловиле кога сте излегле со куфери)

Што сакате да гледате и слушате на ТВ/радио благодарение на тенките ѕидови

Дали готвите или нарачувате храна која ви ја носат доставувачи (и по кутиите во кесите ѓубре пред врата)

Кога децата прават забава дома додека вие не сте дома

Кога не одите на работа бидејќи ве гледаат вас или автомобилот во часови во кои претходно не сте биле дома

Кога имате некоја прослава благодарение на декорациите и гостите кои се упатуваат кон вашиот дом

Кога имате семејни проблеми и викате малку повеќе од што треба

Кога имате афера бидејќи има непознат гостин во вашиот дом додека партнерот не е таму

Кога правите било какви активности со отворени завеси

М. М. | Црнобело