Три типа на луѓе чии совети треба да ги послушаме во животот

Некогаш самите бараме совет од некого, а некогаш го добиваме и од оние кои не се повикани да го дадат.

Најчесто, советите се добронамерни, но има и такви кои имаат друга позадина и кои може да донесат лош исход.

Според авторката Ејми Морин, која ја напишала книгата „13 нешта кои ментално силните луѓе не ги прават“, постојат три типа луѓе чии совети треба да ги послушате:

Луѓе на кои им значите

Овие секогаш ќе бидат искрени и никогаш нема да треба да се посомневате дали можеби се крие нешто друго зад нивните совети.

Мајката, таткото, блиските пријатели, брат или сестра, ова се луѓе кои не само што ќе ве советуваат, туку и ќе ве мотивираат да успеете во својата замисла.

Стручни лица

Оние кои се платени за да ви ги даваат најдобрите совети, тоа и ќе го направат. Исто така, во оваа категорија спаѓаат и луѓе кои се стручњаци во својата област.

Нив можете да ги следите и набљудувате и да учите од нивните постапки и ставови.

Лица кои користат ваши услуги

На критиките од клиентите и работодавците најчесто реагираме со одбрана. Но, важно е и едните и другите да ги сослушаме што имаат да кажат.

Доколку имате свој бизнис, најдобри совети за подобрување ќе добиете токму од оние кои се директни потрошувачи и корисници на услугата, а не од колегите со кои заедно го градите бизнисот.

Е. Д. | Црнобело