Што треба, а што не е препорачливо да напишете на вашиот багаж?

Доколку често патувате, сигурно сте свесни дека губењето на багаж на аеродром или автобуска станица не е ретка случка.

Токму поради тоа постојат и приврзоците за означување на вашиот багаж. Но, што треба да пишува на нив?

Сигурно инстинктивно ви доаѓа да ги оставите сите можни податоци на ознаката, но не правете го тоа. Доволни се вашето име и презиме, меил-адресата, телефонскиот број и местото на живеење.

Доколку ја оставите и домашната адреса, ризикувате лесно да станете цел на несакани посетители. Доволно е да ја запишете адресата на автобуската станица или аеродромот во вашиот град, па оттаму да бидете исконтактирани за да го подигнете багажот.

Кога патувате во странство, избегнувајте да лепите на куферот налепници со кои ја идентификувате вашата националност. Држете ја ознаката затворена, за вашите податоци да не бидат изложени на љубопитните очи на вашите сопатници.

Пред да тргнете, фотографирајте го својот куфер и запишете ги неговите димензии. Имајте подготвен драфт од пораката која би ја пратиле до аеродромот и компанијата со која летавте доколку сепак дојде до губење на вашиот багаж. 

Е. Д. | Црнобело