Нов „тренд“ во светот: Луѓето купуваат облека за да се сликаат за Инстаграм, па ја враќаат

Дали социјалните мрежи почнаа да ни го диктираат темпото на живот? Дали и вие чувствувате дека наметнуваат преголем  притисок врз голем дел од луѓето?

За да изгледаат модерно сè поголем е бројот на луѓе кои купуваат облека онлајн, а по еден ден ја враќаат, откако ја направиле совршената фотографија за на Инстаграм во неа.

Од феноменот „аутфит на денот“ за на Инстаграм најмногу се заразени мажите и жените на возраст од 35 до 44 години. Интересно е што поголем процент од луѓето што го прават ова се мажи, покажува едно британско истражување.

Луѓето сакаат да оддадат впечаток дека се модни икони и не си дозволуваат да бидат два пати видени во истата облека на социјалните мрежи. Овој нов „тренд“ влијае негативно врз модните брендови, кои добиваат назад веќе облечени парчиња облека.

Изгледа како светот полека комплетно да полуде од социјалните мрежи. Се разбира, и Македонија не заостанува многу во овој поглед.

С. С. | Црнобело