Лидери, ентузијасти, авантуристи: Што кажуваат прстите на вашите нозе за вас?

Кога облекувате влечки сигурно не помислувате дека прстите може да кажуваат нешто за вашиот карактер, но некои експерти тврдат поинаку.

Почна сезоната на сандалите и влечките, па прстите на нозете доаѓаат до израз. Но, дали сте помислиле некогаш дека тие говорат за вашиот карактер?

Голем број луѓе тврдат дека е така и колку и да изгледа чудно пренесуваме дел од нивните толкувања.

Што откриваат прстите на вашите нозе за вас:

Ако големите прсти ви се драстично поголеми од останатите

Вие сте креативна личност, но, исто така, остро размислувате.

Ако големите прсти не ви се многу големи, тоа значи дека сте добри со мултитаскинг.

Ако вториот прст ви е подолг од првиот

Вие сте личност со лидерски способности, која знае точно во која насока треба да ја води акцијата.

Но, исто така значи дека сте импулсивни, а пак тоа и не е најидеалната карактеристика за некој што има моќна позиција на водач.

Ако можете да го свиткате малото прсте

Вие сте авантуристички настроена личност и имате страст за животот. Но, понекогаш ви е тешко да му бидете лојални и посветени на партнерот.

Испакнати коски на стапалата

Вие сте дружељубива личност, но дефинитивно имате мигови кога сакате да живеете осаменички и на страна од сите.

Ако имате долги прсти

Вие сте личност која отворено ги изразува своите емоции, екстровертни сте и ентизијастички настроени.

С. С. | Црнобело