Како парите всушност може да купат среќа?

„Велат дека парите не носат среќа, но секој сепак сака да си го докаже на себеси спротивното“.

Одамна е кажано дека парите не можат да купат среќа, но според научниците, зависи на што ќе ги потрошите.

Истражување покажа дека трошењето пари за да си „купите“ повеќе слободно време, како што е плаќање на жена да ви чисти и готви во домот и да ве ослободи од дневните обврски, всушност ќе ја подобри вашата емотивна состојба.

Од друга страна, трошењето пари на предмети, не менува многу за зголемување на среќата.

„Луѓето кои ангажираат куќна помошничка или плаќаат некој да им го уреди дворот, често се карактеризирани како мрзеливи, но резултатите покажуваат дека купувањето време има слични ефекти на среќата, како што имаат повеќе пари“, тврди професорката на Харвард, Ешли Вилланс.

Во истражувањето учествувале повеќе од 6.000 возрасни лица од Америка, Данска, Канада и Холандија, а испитаниците биле запрашани дали и колку пари трошат секој месец за да си обезбедат себеси повеќе слободно време.

Тие што трошеле повеќе пари за оваа цел покажале многу поголемо задоволство од животот.

С. С. | Црнобело