Чини повеќе од обична: Куќа за кукли од 8,5 милиони долари

Оваа куќа за кукли е всушност огромен замок. Долга е 274 сентиметри и тежи околу 300 килограми. Има 29 соби и 10 илјади минијатурни парчиња на мебел во кои спаѓа секаков есклузивен мебел, камин што работи, минијатурен златен накит, мали книги, скап текстил и стари уметнички дела.

Елеин Дил е уметникот кој стои позади ова дело. Изработката траела 13 години и таа имала помош од многу артисти што се во бизнисот на изработка на минијатурни работи.

Замокот е на 7 катови од кои во подрумот има специјализирана винарија, а потоа на другите катови има музичка соба, трпезарија, библиотека, сала за бал и магичен врв со телескопи и тарот карти за предвидување на судбината.

Куќата ретко е покажувана јавно поради вредноста на ситните предмети во неа и сега е во сопственост на приватен колектор на минијатури.

А. В. | Црнобело