Каква лекција научија професорот од BBC и мајката чии деца упаднаа во живо?
Совет кој треба да се знае, никогаш не работете со деца или животни. Тоа е едно од првите правила на телевизијата. А, можеби, постои и второ тајно правило - заклучувајте си ја вратата кога одите во живо од дома.
Инаку, може да ви се случи она што му се случи на BBC репортерот и професор Роберт И. Кели кој зборуваше за сериозни тематики околу претседателот на Јужна Кореја.
Додека тој зборува во живо неговите деца истрчуваат и секако, стануваат вирална сензација. Тој се обидува да ги избрка од собата, ама попусто.
Следно, дури и мало бебе во дубак влегува во собата.
По нив доаѓа мајката која се обидува да ги изнесе надвор од собата и успева да бутне книги на земја.
Мајката, Елен Кели, по непријатната и ужасно смешна ситуација, реши да сподели зошто децата влегле во собата.
„Роберт вообичаено зборува преку Skype со нас од неговата домашна канцеларија, истото место каде го правеше и интервјуто. Децата веројатно слушнале гласови кои доаѓаат од компјутерот и претпоставиле дека јас и сопругот зборуваме“ - изјави таа.
„Едноставно беше пресмешно.“ - заклучува.
Дури и спомнува дека отсега знаат една лекција повеќе, најдобро е понекогаш вратите да се заклучуваат.
Па и ние можеме да научиме вредна лекција: кога правите важни работи - вратата под клуч.
Н. Г. | Црнобело