9 фасцинантни работи кои ни се случуваат додека спиеме

Човечкиот мозок е навистина посебен орган, посебно по начинот на кој функционира за време на сонот.

Неколку интересни работи кои ви се случуваат за време на спиењето:

1. Мускулите ви се парализираат

Кога влегувате во РЕМ фазата на спиење, најдлабокиот сон, мускулите привремено ви се парализираат и не можете да се движите. Кај оние кои имаат нарколепсија (заспивање при секоја форма на релаксирање), парализата може да продолжи и до самото будење.

2. Очите ви се движат со полна брзина

Сите фази на сонот имаат посебна намена за одржување на телото и мозокот здрави и релаксирани. Постојат вкупно 5 фази на спиење и секоја е подлабока од претходната, а кога ќе поминеме низ сите 5 фази, кругот се врти и продолжува сонот одново со 5-те фази. Последната фаза, РЕМ фазата, трае 60 до 90 минути, а тогаш очите ви се движат најбргу.

3. Во организмот се испушта хормонот на раст

Хормонот HGH кој е уште попознат и како хормон на растот е одговорен не само за растење на млади години, туку и за регенерирање на мускулите и коските, а кога заспивате, тогаш тој се испушта низ целиот организам.

4. Гркланот ви се стеснува

Кога спиете, мускулите кои го држат вратот се релаксираат, па големината и ширината на гркланот се намалува. Ова е една од причините поради која можете да рчите.

5. Чкрипење на забите

Бруксизам е феномен кој се случува кај одредени луѓе, а подразбира стискање на забите и вилицата и будење со болка во истата. Овој феномен може да се случи заради морфолошка причина, кога има изместување на вилицата или од психолошка причина - начин на ослободување на емотивната тензија и стресот.

6. Искусувате спонтано сексуално возбудување

И мажите и жените искусуваат сексуално возбудување во текот на сонот, поточно, во најдлабоката фаза кога доаѓа зголемена количина на кислород во сите делови од телото, вклучувајќи ги и гениталиите.

7. Мозокот ги ослободува акумулираните информации од денот и прави приказни од нив

Како и зошто настануваат соништата? Тоа сè уште е научна мистерија. Она што се знае е дека соништата се креираат од сеќавањата кои ги формираме во текот на денот, тие информации се комбинираат со информациите кои ги чуваме со години и со емоциите и траумите и така се креираат соништата кои понекогаш знаат да бидат апсурдни и чудни.

8. Можете да слушнете ненадејни експлозии

Овој синдром е редок и се јавува како чувство дека нешто експлодира или ви се чини како да сте слушнале нешто гласно однадвор, па може и да се разбудите. Не предизвикува физичка болка, ама може да има сериозни психолошки импликации.

9. Вашиот мозок сам се регенерира и детоксицира

Научниците од Универзитетот во Рочестер откриле дека кога спиеме, нашиот мозок преку глимфатичниот систем се ослободува од сите отпадни состојки кои се собирале во текот на денот, од непотребните и бескорисни информации и се регенерираат поврзувањата во самиот мозок.

Н. Г. | Црнобело