Го исклучувате алармот и продолжувате да спиете? Знак дека имате висока интелигенција

Почнува да ѕвони алармот, ја пуштате раката, го исклучувате и се вртите на другата страна да отспиете уште 5 минути...

За многумина ова е многу познато сценарио, кое им се случува секое утро и после што, секако, следи доцнење на работа, на училиште, на состанок...

Сепак, едно ново истражување покажало дека луѓето кои продолжуваат да спијат и по исклучувањето на алармот всушност имаат повисоко ниво на интелигенција и креативност.

Истражувањето, спроведено од страна на Сатоши Каназава и Каја Перина, покажало дека нашиот организам сè уште се обидува да го следи ритамот на спиење на нашите предци кои легнувале и станувале многу порано.

Денешниот начин на живот, генерално, наметнува многу поинаков распоред на спиење, па будењето во определено време, благодарение на алармот, му наложува на нашето тело активност за која телото во тој момент не е подготвено.

Според објаснувањето на истражувачите, следењето на природниот ритам на сонот би можело да ни помогне во развивањето на нашите потенцијали, па токму затоа се верува дека креативните и интелигентни луѓе имаат поголем проблем да се разбудат со ѕвонењето на алармот.

М. С. | Црнобело