Каква интелигенција поседуваш

Интелигенцијата е способност за снаоѓање во непознати околности и пронаоѓање решение. Постојат различни типови на интелигенција кои се разликуваат...

 

...од личност до личност. Проверете каков вид интелигенција поседувате вие:

1. Вербална интелигенција

Склоност кон читање, пишување и вербално изразување. Најчесто овие лица се писатели, говорници, политичари, адвокати или професори.

2. Логичко – математичка интелигенција

Склоност кон експериментирање, истражување, поставување и решавање математички задачи и сл. Овој вид интелигенција се препознава кај научници, математичари, инженери, сметководители и компјутерски програмери.

3. Музичка интелигенција

Овие луѓе обожаваат пеење, слушање музика и свирење. Одлично препознаваат мелодии и имаат нагласено чувство за ритам. Тука спаѓаат пејачи, композитори и музичари.

4. Просторна интелигенција

Просторно интелигентната личност сака цртање, гледање филмови и ужива во креативноста. Сложувалки, лавиринти, фантазирање и сонување се дел од нејзините интереси. Добро е развиена кај дизајнерите, сликарите и архитектите.

5. Лична интелигенција

Овие личности најдобро од сите се разбираат себе си, своите желби и потреби, што е добро, а што не е за нив. Самостојни се во работата и се занимаваат со своите интереси.
Оригинални се во работата, насочени кон остварување на своите сништа и амбиции. Изразена е кај теоретичарите и филозофите.

6. Телесна интелигенција

Овие личности успешно го користат говорот на телото во своето функционирање. Уживаат во телесните активности. Пример се танчерите, спортистите, акробатите.

7. Социјална интелигенција

Овие личности се пријатно друштво, добри пријатели, достапни и комуникативни. Подеднакво добри соработници, организатори и лидери во работата. Најчесто се професори, лекари, предавачи, политичари и психотерапевти.