15 знаци дека имате висока емоционална интелигенција

Емоционалната интелигенција се дефинира како способност да ги препознавате, разбирате и контролирате своите, но и туѓите емоции. Наједноставно кажано, складно функционирање на разумот и емоциите.

Многу психолози тврдат дека емоционалната интелигенција е далеку поважна од општата интелектуална интелигенција за функционирање во средината.

Таа дури е далеку поважна и го одредува успехот на личноста.

Па, како можете да препознаете дека имате високо ниво на емоционална интелигенција?

По овие 15 знаци:

1. Секогаш точно можете да ги дефинирате емоциите кои ги чувствувате во моментот

Успевате прецизно и точно да ги дефинирате емоциите кои ги чувствувате, па и точно знаете од каде потекнува вашето позитивно или негативно расположение.

2. Сакате да ги разберете луѓето

Секогаш се интересирате за другите и сакате подобро да ги запознаете. Кратко кажано, се грижите и за другите луѓе, не само за себе.

3. Брзо ги прифаќате промените

Уште еден знак дека имате висока емоционална интелигенција е способноста брзо да се адаптирате на моменталните промени, да креирате план за справување со нив, а во одреден период од животот и самите да бидете способни да побарате нови промени.

4. Добро ги знаете вашите силни и слаби страни

Колку добро ги познавате вашите маани? Вашите силни страни? Вашите најдобри и најлоши страни, способноста истите добро да ги раководите и контролирате, многу влијаат на тоа колку ќе бидете успешни во животот.

5. Добро ги познавате луѓето околу вас

Еден вистински знак дека имате висока емоционална интелигенција е тоа што добро знаете во одреден момент како се чувствуваат луѓето околу вас - практично кажано, можете да ги читате како книга.

6. Тешко може некој да ве навреди

Имуни сте на негативните ситуации и на луѓето кои се негативни. Лесно можете да најдете нешто позитивно за смеење дури и во оние најнегативните моменти.

7. Можете да се контролирате себеси

Знаете да молчите кога е потребно, да избегнувате брзи и непромислени импулсивни акции? Ако одговорот ви е да, тогаш дефинитивно имате висока емоционална интелигенција.

8. Не се плашите да погрешите

Никогаш не се гушите од емоции на каење само затоа што сте погрешиле, туку се обидувате да учите од личните грешки и да продолжите понатаму.

9. Давате без да очекувате нешто за возврат

Емоционално интелигентните луѓе ги ценат силните врски и се подготвени да направат сè за другата личност, без да очекуваат нешто за возврат.

10. Избегнувате непотребни интеракции со луѓе

Ако можете да ги контролирате интеракциите со другите луѓе, тогаш сте емоционално интелигентна личност. Кога се соочувате со другите не дозволувате да се разгневите или да покажете дека сте фрустрирани и нервозни.

11. Не целите кон совршеност

Тоа не значи дека не целите кон тоа да станете подобри, туку едноставно дека не сте си поставиле високи идеали кои знаете дека се невозможни.

12. Го цените она што го имате

Не заборавате на работите кои веќе ги имате во вашиот живот, а оваа навика значително го подобрува расположението, ја зголемува енергијата и прави да се чувствувате добро.

13. Знаете како да се релаксирате

Не мислите на работа 24/7, туку знаете да балансирате меѓу времето кога сериозно треба да седнете и да си ги сработите обврските и времето кога морате да се одморите за да си ја вратите енергијата.

14. Не пиете големи количини на кафе, а спиете помалку

Знаете колку кафе ви е потребно и знаете кога е време за во кревет, не се притискате да останете до подоцна само да успеете да завршите што е можно повеќе обврски или да се забавувате малку повеќе. Знаете дека сонот е клучен фактор на успешноста.

15. Никогаш не дозволувате некој друг да ви го уништи расположението

Вие сте сам свој мајстор на среќата и не дозволувате туѓите негативни емоции да влијаат на вас и да ви го уништат расположението.

Н. Г. | Црнобело