Како психички силните жени го надминуваат одбивањето?

Било да станува збор за тоа дали сите други се поканети на некоја роденденска забава освен вас или не сте напредувале на работното место, одбивањето боли.

Но, дали сте забележале како некои луѓе едноставно немаат сила да продолжат понатаму, а други се посилни од било кога?

Секој во животот почувствувал како е да се биде одбиен, а начинот на кој одбирате да одговорите на одбивањето може комплетно да ја одреди вашата иднина.

Како психички силните жени го надминуваат одбивањето?

1. Не ги негираат сопствените емоции

Наместо да ги прикриваат, игнорираат или да им предизвикуваат болка, психички силните жени ги признаваат своите емоции. Признаваат кога им е непријатно, бидејќи имаат доволно висока самодоверба и способност да се соочат со сопствените емоции веднаш штом ќе ги почувствуваат.

Најдобар начин да се носите и изборите со негативните емоции е директно да се соочите со нив.

2. На одбивањето не гледаат како на доказ за границите на своите можности

Психички силните жени знаат дека одбивањето служи како доказ дека го живеат животот со полни гради и очекуваат понекогаш да бидат одбиени, дури и знаат точно кога ќе се случи тоа.

3. Кон себе се однесуваат со доза сочувство

Психички силните жени по одбивањето, кон себе се однесуваат со доза сочувство и не се премногу остри кон себе.

Јасно им е дека она што се случило ги враќа чекор наназад, но се свесни дека не е толку трагично за да си праќаат негативни зборови кон себе.

4. Не дозволуваат одбивањето да ги дефинира

Психички силните жени не прават генерализации, ако некој ги одбил, не значи дека тоа ќе се случи и кај друг. Ако една компанија ги одбие, не значи дека нема да најдат работа...

5. Учат од одбивањето

Психички силните жени секогаш ќе се запрашаат што научиле од целата ситуација и наместо да ја толерираат болката, тие ја претвораат во прилика за личен развој.

Н. Г. | Црнобело