Слаткарница - лабораторија: Прави сладолед со течен азот

Магазинот Times ja номинираше за „Најдобра слаткарница во Англија“. Списанието Observer ја нарече „Иднината на сладоледот“.

Лоцирана во Камден Таун во Лондон, запознајте се со слаткарницата која се нарекува Чин Чин лабораторија за сладолед („Chin Chin Labs“), со сосема добра причина.

Момците кои работат во „Chin Chin Labs“ се облечени во бели лабораториски мантили и очила, кои прават да изгледаат како вистински научници.

Тие се дел од првата лабораториска слаткарница во Европа која работи со течен азот, а целото искуство е магично, бидејќи се случува пред вашите очи.

Замислете крем по ваш вкус кој само за неколку секунди се замрзнува под дејство на азот и се сервира во неодоливо вкусна порција сладолед.

Посетителите велат дека она што се случува во „Chin Chin Labs“ е спектакуларно доживување, а со првата лажичка сладолед која ќе ја вкусите ќе доживеете експлозија во устата – мазна структура на сладолед со сензационален вкус.

Основниот ванила сладолед се прави од природни ванила семиња, додека чоколадниот содржи дури 80% какао.

Додатоците како карамела, сос од малина, зашеќерени переци, бело чоколадо или шампањско во прав, сепак зависат од вкусот на клиентите.

Едно е сигурно - божествено сладок мирис се развива во воздухот на Чин Чин лабораторијата за сладолед, која нема да остави рамнодушен ниту еден зависник од сладолед.

• 
• 
• 
• 
• 
• 
• 
• 
• 
• 
• 
•  

(О)Милена | Црнобело