8 мали навики со кои ги нервирате другите, а не сте свесни за тоа

Дали некогаш сте влегле во соба, сте се поздравиле со некого и не сте добиле никаков одговор? Или можеби сте дале коментар во групен разговор и тој бил целосно игнориран? Тоа е мала работа, но може да значи многу.

Сите имаме мали навики кои би можеле да ги „полудат“ другите луѓе, без притоа да сме свесни за тоа.

Но, некои такви навики може да направат уште веднаш да не им се допаѓате на оние околу вас.

Не треба да се менувате себеси, туку да бидете свесни и внимателни за тоа како вашите постапки може да бидат сфатени од другите.

8 мали навики со кои ги нервирате оние околу вас, а не сте свесни за тоа:

Постојано прекинувате некој додека зборува

Ако постојано прекинувате некој додека сака да ги изрази своите мисли, тоа изгледа како целосно непочитување.

Оваа мала навика може да направи луѓето да не ве сакаат уште веднаш. Всушност, со ова им давате до знаење на другите дека нивните мисли и идеи не се толку важни и дека вашиот глас е најважен.

Да се биде добар слушател е клучно за да им се допаднете на другите, зашто со тоа покажувате почит. Запаметете дека разговорот е двонасочна улица!

Постојано гледате во телефонот

Ако постојано го земате телефонот, ги користите социјалните мрежи и одговарате на пораки додека сте во нечие присуство, тоа може да ги натера другите да се чувствуваат неважни и отфрлени.

Со ова испраќате порака дека што и да се случува на екранот пред вас е поважно од личноста до вас.

Во оваа дигитална ера лесно е да се „вовлечеме“ на нашите уреди, но да не заборавиме на вредноста на интеракциите лице в лице, затоа што секој заслужува да биде слушнат и ценет.

Постојано се изразувате негативно

Негативното изразување, дури и кога е случајно, може да го промени расположението, па дури и да влијае на тоа како другата личност гледа на вас.

Луѓето кои често користат зборови како „не можам“, „нема“, „не“, честопати се гледаат како напорни и песимисти.

Од друга страна, позитивното изразување може да мотивира и инспирира. Иако е во ред одвреме-навреме да се изразува фрустрација и незадоволство, обидете се да избалансирате на некој начин.

Внимавајте на вашите зборови, тие се поважни отколку што мислите!

Недостаток на контакт со очи

Контактот со очи е моќна форма на комуникација. Тоа покажува дека сте целосно присутни и вклучени во разговор.

Но, кога недостасува, може да остави впечаток дека сте незаинтересирани или дури неискрени.

Затоа, додека зборувате, обидете се да одржувате контакт со очи, зашто тоа сигнализира почит, внимание и интерес за она што ви го зборува соговорникот.

Не им давате признание на другите

Дали некогаш сте влегле во соба, сте се поздравиле со некого и не сте добиле никаков одговор? Или можеби сте дале коментар во групен разговор и тој бил целосно игнориран?

Тоа е мала работа, но може да значи многу. Признанието не мора да биде големо.

Едноставно климање со главата, насмевка или брзо „здраво“ може да направи некој да се чувствува виден.

Одвојте момент за да им дадете признание на оние околу вас, зашто тоа е мал чин на љубезност што може да направи голема разлика.

Секогаш разговорот го свртувате кон вас

Разговорите треба да бидат меѓусебни, а не еднострани монолози. Ако секогаш го свртувате разговорот кон себе, тоа може да изгледа многу себично и да оставите впечаток дека не сте заинтересирани за другите.

Слушањето и покажувањето емпатија кон другите е клучно за градење силни и долгорочни врски.

Покажете искрен интерес за она што другите имаат да ви го кажат, не вртете се само кон вас!

Постојано доцните

Постојаното доцнење покажува дека не го цените времето на другите. Тоа може да се сфати како недостаток на почит, а со текот на времето и сериозно да ги наруши односите.

Потрудете се да бидете точни, а ако доцните, известете ја другата личност што е можно порано. Така ќе покажете дека го цените нивното време и друштво.

Не покажувате благодарност

Благодарноста е моќна работа. Тоа е едноставен чин што може да направи разлика во тоа како ве доживуваат другите луѓе.

Кога не успевате да покажете благодарност за работите што другите ги прават за вас, тоа може да направи да се чувствуваат неценето и пониженo.

Не станува збор за големи гестови или раскошни подароци за благодарност. Едноставно „благодарам“ кога некој ви ја држи вратата отворена може многу да помогне.

М. Ѓ. | Црнобело / фото: freepik.com