Дедовците кои станаа вирална сензација обидувајќи се да имитираат 50 години стара фотка

Пред 50 години, четворица маринци позирале пред жолта даска за сурфање на плажа во Флорида, а 5 децении подоцна, повторно се собрале на истото место за да ја направат истата фотографија.

Најстариот, Боб Фалк кој има 71 година на двете фотографии носи маица во бело-сини пруги, 69-годишниот Денис Пулео ужива бос во песокот, Том Хенкс се обидува дури и на 69 години да ги покаже мускулите, а Боб ДеВенеција клечи.

Фотографијата не може да биде совршена копија на таа која ја направиле пред 50 години, бидејќи времето си го прави своето, но едно нешто е сигурно ова е еден од најубавите можни начини да се покаже колку едно пријателство може да биде цврсто дури и тогаш кога поминале декади како не сте се виделе.

Токму и затоа, фотографиите од овие забавни маринци станаа вирална сензација - доказ дека силната поврзаност меѓу пријателите, ништо не може да ја ослабе.

Н. Г. | Црнобело