„Lego“ се вклучи во одбележувањето на 400-годишнината од смртта на Шекспир

„Lego“ реши да ја одбележи 400-годишнината од смртта на Шекспир со интересно видео во кое преку познатите лего-коцки и ликови се оживуваат најпознатите дела на познатиот драмски поет.

Дваесет и трети април е денот кога човештвото се збогувало со Вилијам Шекспир, еден од најдобрите поети на сите времиња чии дела како „Ромео и Јулија“, „Хамлет“, „Отело“ се задолжителни четива во многу образовни системи низ светот.

Данската компанија на еден забавен начин ги претставува Ромео и Јулија, во сцена целосно создадена од лего-коцки, каде Ромео наместо да ѝ кажува на Јулија колку многу ја сака тој е зафатен со одговарање на пораки на неговиот паметен телефон.

Покрај другото, „Lego“ создаде и биста од самиот Шекспир, која е изложена во родната куќа на поетот. Таа е висока околу 40 cm, тежи 7,7 килограми и е изработена од 3.250 коцки.

М. С. | Црнобело