Антибеби пилули за мажи

Екипа на истражувачи од Универзитетот Тисајд кои ги предводи професорката Џуди Еберхард, интервјуирала 140 мажи и 240 жени со изразен сомнеж...

 

... дали на мажите може да им се верува дека редовно би користеле антибебе пилули.

Резултатите покажале дека жените стравуваат дали мажите редовно би ги зимале пилулите со цел да спречат несакана бременост кај партнерката, наспроти верувањето на мажите дека пилулите се добредојдени и ветувањата дека со сигурност ќе ги земаат редовно пилулите секој ден.

Во САД и Австралија веќе било извршено вакво тестирање но резултатите не биле неочекувани и ништо суштинско не се променило на тој план.

Прво, жените и мажите покажале еднаков однос кон 'пилулите за мажи' и нагласуваат дека ваквите пилули претставуваат една корисна идеја. Второ, жените не се многу сигурни колку нивните партнери би ги користеле, иако гледаат на позитивната страна на ефектите кои може да се постигнат со нивно конзумирање.

Трето - мажите пак кои се во стабилна врска мислат многу позитивно за пилулите, отколку оние кои немаат постојан партнер.

Заклучок од професорката Еберхард е дека кога ќе се почне со промотивната кампања треба да биде насочена и кон мажите и кон жените, бидејќи иако се работи за таблети за мажи, сепак жените повеќе водат сметка за одговорноста при земање на вакви пилули.