Колку се промени сликата за идеален маж во последните 60 години?

Времињата се менуваат, а со нив и модата, моралот, одредените граници како и погледот за тоа како изгледа идеалниот партнер.

Меѓутоа, едно истражување кое е направено пред 60 години од страна на списанието „Life“ покажува дека сликата за идеалниот партнер и не е така променета како што би очекувале.

Пред 6 децении, на листата на најважни работи кои треба да ги има совршениот маж, жените ги истакнувале висината, атлетски граденото тело и сините очи.

Покрај тоа, сонувале за маж кој ќе им помага околу домашните обврски, кој ќе биде начитан и ќе има сигурна и постојана работа.

Најмалку посакуваните карактеристики биле посесивноста, себичноста и непристојноста. Покрај тоа, не биле подготвени да бидат со партнер кој не ги прифаќа нивните пријатели и роднините.

Парадоксално на сево ова, пред 60 години како идеален човек од телевизијата бил прогласен Пери Комо, човек со темни очи, висина од 168cm и кој еднаш рекол дека никогаш во животот не измил садови...

Колку се променети работите денес?

Н. Г. | Црнобело