Тројца момци спасени од пуст остров затоа што им текнало да напишат „Помош“ како на филмовите

Тројца мажи останале заглавени на пуст остров сред Тихиот океан цели три дена, но биле спасени благодарение на тоа што употребиле палмини гранки за да напишат „Помош“ во песокот.

Тргнале на патување од Пулап, остров кој е дел од Микронезија, но откако бран им го срушил 5-метарскиот брод биле принудени да пливаат 3,2 километри и да завршат на островот кој се нарекува Фанадик.

Откако Американската крајбрежна стража добила повик за пребарување, испратиле два брода кои цели 17 часа пребарувале простор од 286 километри. Потоа им се приклучиле и маринци од Јапонската воздухопловна база.

Со заеднички сили успеале да ги најдат тројцата по 3-дневно пребарување, но како што вели еден од стражарите: „генијалноста на овие мажи сами да направат знак и да ги носат своите спасувачки елеци исто така придонесоа за безбедно спасување“.

Н. Г. | Црнобело