Работата која никој не ја сака: Плата $400.000 и 3 месеци одмор
Во руралниот дел на Нов Зеланд, во местото наречено Токоро, веќе две години се бара хирург кој ќе работи за 400.000 долари годишно со три месеци одмор, а во последните четири месеци никој не се пријавил.
Докторот Алан Кени кој дошол од Велика Британија за да работи на ова место како хирург вели дека постојано има работа и често мора да се откаже од одморот поради големиот број на пациенти и недостатокот на замена.
„Платата е фантастична. Бројот на пациенти се зголеми од претходната година, а колку имате повеќе пациенти, толку повеќе заработувате. Но, што е премногу, премногу е“ - се жали Кени.
Пред две години неговата ќерка Сара дошла да работи како доктор за да му помогне и да му ја олесни работата. Таа е единствениот доктор кој е моментално на пракса.
Покрај добрата плата, Кени му нуди на кандидатот кој ќе се пријави за работата и три месеци годишен одмор, истакнувајќи дека нема да се бара да работи навечер и за викендите. Но, и покрај овие услови, веќе четири месеци никој не се пријавил на работното место.
„Ја сакам мојата работа и би сакал да продолжам да работам, но тешко ми е да најдам доктор кој ќе работи со мене и ќе ме замени“ - објаснува Кени.
Платата за практиканти во оваа земја се движи од 150.000 до 280.000 долари. Најголемиот проблем на руралните места е тоа што се изолирани, имаат недостаток на образование и општествени активности, па луѓето одбиваат да живеат таму дури и кога е во прашање добра работа и плата.
Н. Г. | Црнобело