5 работи кои нашите очи ги искривуваат

Нашиот визуелен систем ни помага да донесеме одредени одлуки за нашите постапки и притоа ги искривува работите кои ги гледаме, а зависат од нашите физички способности, смета психологот Џесика Вит.

Наместо да ги гледаме работите онакви кави што се, нашиот визуелен систем си игра со кривините и оддалеченоста на работите.

Вит на основа на тоа опишала неколку начини на кои нашите физички способности се менуваат на основа на она што го гледаме:

1. Успешните спортисти, топките ги гледаат како поголеми

На крајот од еден софтбол натпревар, Вит ги застанала играчите и ги замолила да погледнат во неколку нацртани кругови на хартија и да го одберат оној кој се совпаѓа со големината на топката за играње софтбол.

Играчите кои добро го одиграле натпреварот топките ги прецениле, односно ги прикажале како поголеми, додека оние кои ги утнале ударите на топката одбрале помал круг кој не соодветствува на големината на топката.

2. Оние кои лошо шутираат искривено ја гледаат целта

Вит се насочила кон американскиот фудбал каде играчите мораат да ја шутираат топката во предвидениот гол.

По неколку обиди на шутирање на топката, испитаниците направиле мал модел на голот кој со изгледот одговара на оригиналните пропорции на голот.

Лицата кои ја шутирале топката прениско, гредите на голот ги цртале поголеми, а оние кои шутирале на страна, вертикалните греди ги цртале намалени.

Ова ги натерало да заклучат дека различни луѓе, различно го перципираат голот.

3. Почетниците кои се занимаваат со паркур ѕидовите ги гледаат како поголеми

Во едно истражување, Вит заедно со колегите, замолила неколку експерти и почетници да проценат колку добро би можеле да се качат на ѕид поставен пред нив и да ја проценат неговата висина.

Почетниците ѕидовите ги гледале како повисоки, а експертите онакви какви што се.

4. Алатките за посегнување, прават предмети да изгледаат поблиски

Во едно истражување, Вит ги замолила испитаниците да ја проценат својата оддалеченост од одредена точка. Резултатите покажале дека луѓето константно ја потценуваат својата оддалеченост.

5. Поради тешкиот ранец брдата и планините изгледаат пострмни

Вит направила уште едно истражување, замолила неколку планинари да се искачат на планина, а горе на врвот ги прашала околу тоа колку стрмно им изгледало брдото. Брдото им изгледало како стрмно на оние кои носеле тежок ранец.

Н. Г. | Црнобело